Bang Media

Igitsina

Monday, February 6, 2012

Iyo umukobwa amaze gukuna

Iyo umukobwa amaze gukuna no kuvuga ibyo yivugisha, arahagaruka, nuko umukobwa akenda uruhu yari yicariye cyangwa umwenda we, akawusimbiza; byitwa gukuza imishino ngo ijye hejuru.

Umukobwa arapfukama, akunama hasi cyane, afashije ibiganza hasi, yambaye ubusa, akongorera ubutaka yicariye, ati"Ngufatiye ubutaka, ubu ni ubuhoro bwabyawe n'ubutaka, nanjye ni ko mbona ubuhoro bwo mu maguru yanjye, sinzakurikire abandi bakobwa ku busa ".


Akongera agakubita ku bibero bye ati: "Ibi ni ibibero, byuzure byizihirwe" .

Umukobwa agakubita ibiganza hasi, ati:" Ubu ni ubwiza bw'abakobwa butuma baramba ku bagabo; umugabo naburyamamo ntakicure ",akongera agakubita hasi ibiganza no ku bibero cyangwa ku mabuno, avuga ati: "Ibibero byanjye bijye bizana urushunzi rw'amaraso nk'urw'amata y'inka ".

Umukobwa agakubita hasi, maze akanyuza amaboko munsi y'amaha, akikubita mu mugongo ati:" Umugongo wuzure amaraso ", akongera agakubita no mu bihumbi nk'umuntu wihungura mu bitugu, ati: "Abana buzure mu bitugu "; akongera agakubita hasi no ku gahanga ati: "Ntega urugori nkizihirwa"; agakubita mu maso, ati: " Mporana isoni mu maso ".

Umukobwa yarangiza, agakubita utugeri hasi, akazamura agatsinsino akagakoza mu ntege, ati:" Sindenga icyicaro cy'undi ngo ahebe, umukobwa araharenga akanyongerera, umugore araharenga akanyongerera ".

Umukobwa agenda amaze gusokoza neza ubwatsi yicariye, cyangwa akaburandura, avuga ati:" Umukobwa arahanyura akanyongerera n'umugore arahanyura akanyongerera ". Umukobwa yajya kurangiza akahabyinira akadiho, ngo arishimira ko yagwijije, cyangwa ko azagwiza vuba; akongera ati : " Agati gaciye ntikabura izuba ".

Abakobwa babiri cyangwa batatu, bane, bagiye kurangiza umwe abwira undi, ati: "Amashyo n'amagana ". Undi na we, ati: "amagana yuzukuruke imishino ".

Nuko bagataha.

Abakobwa bamaraga gukuna bagahagurukira rimwe, ari ntawe utanze undi, ngo bazagwirize umunsi umwe.

No comments: